Putin:" Është i papranueshëm mosrespekti ndaj Profetit Muhammed!".

Sipas presidentit rus, mosrespektimi i profetit Muhamed (a.s.) nuk përfaqëson një shprehje të lirisë artistike.

Gjatë fjalimit të konferencës së tij vjetore për shtyp të enjten, ai tha se blasfemia e Profetit Muhamed (a.s.) shkel të drejtën për liri fetare dhe dhunon ndjenjat e njerëzve që praktikojnë Islamin.

Presidenti rus tha se kjo shkaktoi reprezalje ekstremiste, duke përmendur si shembull sulmin ndaj redaksisë së Charlie Hebdo në Paris pasi botoi skica blasfemuese të Profetit të nderuar (a.s.).

Gjithashtu, Putin kritikoi faqet e internetit që postonin fotografi të nazistëve, duke përfshirë Regjimentin e Pavdekshëm, një memorial në internet për rusët që humbën jetën gjatë Luftës së Dytë Botërore.

Ai tha se liria artistike ka kufijtë e saj dhe nuk duhet të cenojë liritë e tjera, megjithëse ai e vlerësoi konceptin në përgjithësi.

Vladimir Putin për Profetin Muhamed
Ai tha se rusët janë mësuar të respektojnë traditat e njëri-tjetrit si një shtet multietnik dhe multikonfesional.

Cilësia e respektit është e pamjaftueshme në disa vende, vuri në dukje ai.